Nordhordland Digitalt og Nordhordland Næringslag har gleda av å ynskje deg velkommen til den årlege plan- og byggesakskonferansen i Nordhordland. Dette arrangementet er ei unik moglegheit for lokale utbyggjarar og kommunale sakshandsamarar til å samlast for ein uformell prat og fagleg påfyll.
I år rettar konferansen fokus mot viktige og samfunnsaktuelle tema, som naturvern, klimaendringar og bustadmiljø.
Det er ingen tvil om at både kommunane og utbyggjarar vert påverka av den stadig aukande forskinga som tydeleg viser samanheng mellom nedbygging av natur og klimaendringane. Me er heldige å ha biolog Kristine Birkeli frå Universitetet i Bergen til å opne konferansen med ein presentasjon om dette samspelet. Vidare vil Aksel Mjøs, leiaren av Naturrisikoutvalet, dele med oss korleis me på best måte kan analysere og handtere naturrisiko i dagens samfunn.
Stadig strengare krav til bevaring av naturen krev ein gjennomgang av korleis me byggjer og bur her i Nordhordland. Eplehagen Mikrohuslandsby i Luster representerer eit lysande eksempel på eit bustadprosjekt som tek desse utfordringane på alvor, og me ser fram til å høyre meir om dette prosjektet.
Dette er berre nokre få av aktørane som vil bidra på årets konferanse.
Meld deg på og bli med på ein sosial og lærerik dag saman med gode kollegaer og samarbeidspartnarar!
Program
DEL 1: NATUR OG KLIMA
Møteleiar Lars Fjeldstad, ordførar Osterøy kommune og leiar i Regionrådet
Velkommen v/ Lars Fjeldstad, leiar i Regionrådet
Naturtap og klimaendring går hand i hand v/ biolog Kristine Birkeli, Universitetet i Bergen
Husbanken v/ Bjarte Bøe Alrek
I samspel med naturen v/ Aksel Mjøs, førsteamanuensis og instituttleiar ved Norges Handelshøyskole
11.30-12.15: Varm lunsj
DEL 2: GODE BUSTADMILJØ
Møteleiar May-Lynn Osland, ordførar Gulen kommune
Eplehagen mikrohuslandsby i Luster v/ Norske Mikrohus
Kva typer bustadar vil folk ha i Nordhordland? v/ Ørjan Trædal, Privatmegleren Nordhordland
DEL 3: AKTUELLE NYHEITER
Møteleiar May-Lynn Osland, ordførar Gulen kommune
Massehandtering av reine jord- og torvmassar v/ Alver kommune
Nordhordlandskart- bruk og funksjonalitet for utbyggar v/ Tommy Veland, Alver kommune
Nytt regelverk for overvatn og innmåling av teknisk infrastruktur v/ Kjell Reigstad, Gulen kommune
Erfaringsdeling - samarbeid mellom utbyggjarbransjen og Alver kommune v/ Egil Sagstad, dagleg leiar i Reknes Byggjevarer LL / leiar av bransjegruppe Handverk i Nordhordland Næringslag
15. mai kl. 09.00-15.00 (OPPMØTE FRå KL. 08.30)
REGION NORDHORDLAND HELSEHUS, 6.ETASJE
pRIS: kR 500,-
Påmeldingsfrist: Fredag 10. mai
Arrangørar: Nordhordland Digitalt/Region Nordhordland og Nordhordland Næringslag