Me søkjer «læring i næring» ungdom til Dagtilbod i Bu- og avlastingstenesta

Osterøy kommune er ein stor arbeidsgjevar med ca 900 tilsette som dekkjer mange fagområde. Vi leverer viktige tenester til innbyggjarane som helsestasjon, sjukeheim, barnehagar og skular, tekniske tenester som vatn og avlaup, brannvesen og administrative oppgåver.

Helse og omsorg gir helse- og omsorgstenester til dei som har behov for og rett på helsehjelp. For å gje gode og forsvarlege tenester har me tilsette med ulik kompetanse i avdelingane.

Me søkjer «Læring i næring» til Dagtilbod i Bu- og avlastingstenesta. Dagsenteret er på Opro på Hauge og her har 9 brukarar dagtilbod. Målet for dagtilbodet er at brukar skal ha ein meiningsfull kvardag saman med andre og oppleva meistring og glede. Dei får tilbod om å delta på ulike aktivitetar ut frå interesse, funksjonsnivå og individuelle målsetjingar.

Arbeidsoppgåver:

  • Samhandling med brukargruppa.

  • Delta på gardsbesøk.

  • Tilretteleggjing og gjennomføring av ulike aktivitetar som til dømes turgåing, spela spel, strikkemaskin, postkjøyring, ulike transportoppdrag, ulike pakkeoppgåver.

Vi søker deg som:

  • Er nysgjerrig og lærevillig

  • Liker å vere saman med andre menneske

  • Er hjelpsam og snill

  • Tør å stille spørsmål når du lurer på noko

  • Ønsker å lære meir om omsorgsyrket

Du vil få tett rettleiing av erfarne medarbeidarar som vil lære deg opp i dei ulike oppgåvene. Dette er ein moglegheit til å få innsikt i korleis me arbeidar og kanskje finne ut kva du har lyst til å jobbe med seinare.

Teieplikt

Som tilsett i kommunen har du teieplikt. Det betyr at du ikkje kan fortelje andre om det du får vite på jobben om enkeltpersonar, deira helse, økonomi eller private forhold. Teieplikta gjeld både medan du arbeider og etter at du har slutta. Du kan berre dele informasjon med kollegaer som treng det for å gjere jobben sin, og berre det som er nødvendig. Dersom du bryt teieplikta, kan det få alvorlege konsekvensar både for dei det gjeld og for deg sjølv. Vi gjev grundig opplæring i kva som er tillate å dele og ikkje.

Søknadsfrist: 9.september

Søknadsskjema: