Læring i næring for ungdom 14–15 år – Kultur og mangfald i Gulen kommune

Har du lyst til å finne på kjekke ting, møte folk og vere med der det skjer? Då kan dette vere noko for deg.

Gulen kommune søkjer ungdom til Læring i næring innan Kultur og mangfald. Her får du vere med på ulike aktivitetar og opplegg, og ingen dagar treng å vere heilt like.

Du får mellom anna vere med på:

• aktivitetar for born og eldre gjennom Gulen frivilligsentral

• å halde ope Biblioteket og lage eigne tema eller aktivitetar, til dømes filmkveld/teikneverkstad eller anna for born

• aktivitetar i integreringstenesta for flyktningar

• å jobbe med sosiale medium og publisere informasjon om aktivitetar

Andre oppgåver kan òg kome til.

Vi ser etter deg som:

• likar at det skjer noko og vil vere med

• har pågangsmot

• likar å vere saman med born og unge

• er kreativ og sjølvstendig

Arbeidsplass:

Gulen kommune, Kultur og mangfald. Vi jobbar i alle fire skulekretsane, så vi kan vere fleksibel på kva bygd du ynskjer jobbe i.

Kontaktperson:

Vivian Våge, einingsleiar kultur og mangfald - Telefon: 926 22 607

Søknadsfrist: 9.september