Vil du jobbe i ein av landets største gjenbruksbutikkar?

Er du ein ungdom som likar høgt tempo, praktisk arbeid og å møte menneske? Då kan dette vere jobben for deg!

Gjennom prosjektet Læring i Næring søkjer me no etter ein engasjert ungdom som vil vere med på laget i gjenbruksbutikken vår ei veke. Her får du prøve deg i ein ekte butikkkvardag, lære mykje nytt – og vere med på å gi brukte ting nytt liv.

Om gjenbruksbutikken til KIM

Gjenbruksbutikken til Knarvik industri og miljø as (KIM) er ein av landets største gjenbruksbutikkar målt i omsetnad. Kvart år tek me imot rundt 190 000 kilo varer, og kundane våre kjem frå både Sunnhordland og langt opp i Sogn og Fjordane.

Hos oss finn folk alt frå møblar og interiør til klede, utstyr og skattar ein ikkje visste fanst! Me er kjent for stort utval, gode prisar og eit travelt – men veldig kjekt – arbeidsmiljø. Butikken ligg sentralt til i Knarvik.

Kva får du vere med på?

Som butikkmedarbeidar hjå oss får du vere med på mykje forskjellig:

• Henting og mottak av varer 

• Sortering og klargjering for sal 

• Prising av varer 

• Påfylling og organisering i butikk 

• Kundekontakt og generelt butikkarbeid 

Ingen dagar er heilt like – og det er nett det som gjer jobben spennande!

Kven ser me etter?

Me ser etter deg som:

• Har godt humør og likar å ta i eit tak 

• Er praktisk anlagt og likar å vere aktiv 

• Trivst saman med andre menneske 

• Kan jobbe sjølvstendig når det trengst 

• Klarer å halde hovudet kaldt når det er travelt 

Du treng ikkje erfaring frå butikk frå før – det viktigaste er at du møter opp med positiv innstilling og vilje til å lære.

Interessert?

Har du spørsmål, er du velkomen til å ta kontakt:

Morgan Taule, dagleg leiar – tlf. 474 61 106
Linn Mari Rath, leiar for butikkdrift – tlf. 418 45 761

Les meir om oss på Knarvik industri og miljø as eller besøk oss på Facebook: Gjenbruksbutikken – Knarvik industri og miljø as

Søknadsfrist: 9.september