Me søkjer «læring i næring» ungdom til arbeidsplassar i kommunen
Osterøy kommune er ein stor arbeidsgjevar med ca 900 tilsette som dekkjer eit breitt spekter av fagområde. Vi leverer viktige tenester til innbyggjarane - frå helseoppfølging av gravide til sjukeheim, barnehagar og skular, tekniske tenester som vatn og avlaup, brannvesen og administrative oppgåver.
Vi framtidsretta og investerer i digital utvikling, miljøvennlege løysingar og kompetanseutvikling. Som tilsett får du arbeide med moderne utstyr samtidig som du byggjer nære relasjonar til lokalsamfunnet.
Med arbeidsområde frå omsorg til tekniske tenester, utdanning til kultur, finst det moglegheiter for læring, utvikling og meiningsfylt bidrag uansett kva interesser og ferdigheiter du har.
Kjøkken – Osterøytunet
Kjøkkenet på Osterøytunet sjukeheim sørgjer for at bebuarane får næringsrik og god mat kvar dag. Her arbeider kokkar og kjøkenassistentar med matproduksjon og måltidstenester. Som tilsett planlegg og lagar du varierte måltid tilpassa bebuarane sine behov og preferansar. Du arbeider med spesialkostar, allergitilpassing og sørgjer for at maten er både sunn og smakfull. Arbeidet omfattar innkjøp av råvarer, matlaging, servering og oppfølging av hygiene- og mattryggingsrutinar. Du samarbeider med helsepersonell for å sikre at ernæringsbehovet blir dekte. Kjøkkenet legg vekt på heimelaga mat og lokale råvarer der det er mogleg. Du arbeider i eit moderne kjøkken med godt utstyr og høg mattryggingsstandard. Her bidrar du til trivsel og livskvalitet gjennom å lage mat som skapar glede og næring for bebuarane på Osterøytunet.
Arbeidsoppgåver:
Hjelpa til med matlaging under rettleiing
Hjelpa med servering og oppvask
Lære om mattryggleik og hygiene
Hjelpa til med planlegging av måltid
Vi søker deg som:
Personlege eigenskapar:
Er nysgjerrig og lærevillig - du treng ikkje å kunne alt frå før!
Liker å vere saman med andre menneske
Er hjelpsam og snill
Tør å stille spørsmål når du lurer på noko
Kan ta imot beskjed og rettleiing frå vaksne
Praktiske ferdigheiter som er nyttige:
Kan bruke datamaskin og mobil
Er vant til å vere saman med mindre born (søsken, kusiner, naboborn)
Har hjelpt til heime med praktiske oppgåver
Liker å vere utandørs og er ikkje redd for å bli skitten på hendene
Har interesse for matlaging eller handverk
Det viktigaste er at du:
Møter opp når du skal
Gjer ditt beste sjølv om oppgåvene er nye for deg
Seier frå dersom du ikkje forstår noko
Er hyggeleg mot dei du møter på jobb
Vi legg vekt på motivasjon og vilje til læring framfor formell kompetanse. Gjennom praksis, opplæring og mentor-ordningar får du den kunnskapen du treng for å lukkast i jobben.
Du vil få tett rettleiing av erfarne medarbeidarar som vil lære deg opp i dei ulike oppgåvene. Dette er ein moglegheit til å få innsikt i korleis det offentlege arbeider og kanskje finne ut kva du har lyst til å jobbe med seinare.
Politiattest
For dei fleste stillingar i Osterøy kommune må du levere politiattest. Dette gjeld særleg når du skal arbeide med barn, eldre eller andre sårbare grupper. Politiattesten viser at du ikkje har gjort noko straffbart som kan påverke jobben din. Dette gjeld stillingar i barnehagar, skular og dagtilbod.
Politiattesten er gratis. Du får bestilt politiattest på politiet.no eller på politistasjonen. Det tek vanlegvis nokre dagar å få den ferdig.
Teieplikt
Som tilsett i kommunen har du teieplikt. Det betyr at du ikkje kan fortelje andre om det du får vite på jobben om enkeltpersonar, deira helse, økonomi eller private forhold. Teieplikta gjeld både medan du arbeider og etter at du har slutta. Du kan berre dele informasjon med kollegaer som treng det for å gjere jobben sin, og berre det som er nødvendig. Dersom du bryt teieplikta, kan det få alvorlege konsekvensar både for dei det gjeld og for deg sjølv. Vi gjev grundig opplæring i kva som er tillate å dele og ikkje.
Søknadsfrist: 9.september